Sipas burimeve të Football Insider, trajneri i Manchester United, Erik ten Hag, pritet të shkarkohet në fund të sezonit nga bordi drejtues. Tekniku hollandez sipas të gjitha gjasave nuk do të jetë në krye të pankinës në Old Trafford, edhe në rast se United triumfon ndaj Manchester City në finalen e FA Cup.
“Djajtë e Kuq” po kalojnë një sezon mjaft zhgënjyes, teksa ndodhen në vendin e tetë në renditjen e përgjithshme të Premier League, me vetëm 3 ndeshje të mbetura për t’u luajtur. Në sfidën e fundit në kampionat, United u mposht me rezultatin e thellë 4-0 nga Crystal Palace. Ekipi i Ten Hag ka vuajtur shumë dhe nga dëmtimet këtë sezon, por duket se kjo duket se nuk do të jetë një arsye e mjaftueshme që hollandezi të ruajë postin e trajnerit në Manchester.
Por cilët janë emrat potencialë që mund të zëvëndësojnë Erik ten Hag në krye të Manchester United? Thomas Tuchel është emri që po përflitet kohët e fundit për të marrë drejtimin e “Djajëve të Kuq”. Trajneri aktual i Bayern Munich do të largohet nga nga bavarezët në fund të sezonit, pas një periudhe të vështirë nën drejtimin e gjermanëve. Bavarezët u mposhtën nga Real Madrid në gjysmëfinalen e Champions League dhe kjo do të thotë se ky është sezoni i parë pas 12 vitesh, ku Bayern nuk ka fituar asnjë trofe.
Sipas burimeve të brendshme, vet Tuchel thuhet se është i interesuar për të marrë drejtimin e United. Ndërkohë, dy alternativa të tjera që bordi drejtues i klubit gjithashtu po konsideron janë Gareth Southgate i kombëtares angleze, si dhe Roberto De Zerbi i Brighton. Ky i fundit mendohet se ka shumë admirues në bordin e United, për shkak të stilit të tij të lojës mjaft dinamik.
