Drejtuesit e Manchester City janë duke menduar për zëvëndësuesin potencial të Pep Guardiola, në rast se tekniku spanjoll vendos të largohet nga Etihad në fund të këtij sezoni. Fundjavën e kaluar, Pep u shpreh se “gjithçka mund të ndodhë”, kur u pyet për të ardhmen e tij, dhe drejtuesit e klubit duan që të jenë të përgatitur për çdo situatë. Por cili është emri që mund të pasojë Guardiolën në krye të “qytetarëve”?
Bëhet fjalë për Ruben Amorim, trajnerin aktual të Sporting Lisbon. Portugezi ka tërhequr vëmendjen e shumë klubeve europiane gjatë sezonit të fundit. Për më shumë, kontrata e tij me Sporting skadon në fund të sezonit dhe tekniku është i prirur të hedhë hapin e rradhës në karrierën e tij. Ndërkohë, një tjetër faktor që favorizon City për të siguruar firmën e Amorim, është njohja dhe miqësia e këtij të fundit me drejtorin e ri sportiv të Manchester City, Hugo Viana. Viana është gjithashtu portugez, dhe do të pasojë shumë shpejt Txiki Begiristain, i cili do të largohet nga pozicioni i tij tek Manchester City, si drejtor sportiv.
Ndërkohë Amorim ka qënë i përfshirë më parë në bisedime, dhe me klube të tjera në Premier League, më specifikisht Liverpool, Chelsea dhe West Ham. Tekniku ishte i pranishëm në Londër për të diskutuar me drejtues të West Ham, por në fund, palët nuk arritën të gjenin dot një akord. Më vonë, Amorim i kërkoi falje drejtuesëve të Sporting, për faktin që po diskutonte me klube të tjera për t’u larguar. Megjithatë, kjo duket tashmë e pashmangshme në fund të sezonit.
Nën drejtimin e Sporting, Ruben Amorim ia ka dalë të mposhtë Tottenham në UEFA Champions League, si dhe të eleminojë Arsenal nga Europa League një vit më vonë, duke treguar se është në gjendje të garojë në nivelet më të larta.
