Mediat angleze kanë bërë të ditur se Manchester City po kërkon me ngulm një mënyrë për të sjellë Florian Wirtz në Etihad. Asi i Bayer Leverkusen është kthyer në një nga objektivat kryesorë të merkatos për trajnerin Pep Guardiola, teksa spanjolli ka nevojë për një opsion të ri në repartin ofensiv. Teksa Kevin de Bruyne po i afrohet ditëlindjes së tij të 34, dhe Gundogan gjithashtu është 34 vjeç, Guardiola ka nevojë për freski në sulm. Admirimi i teknikut për Wirtz është aq i madh, sa thuhet se City mund të ofrojë një nga lojtarët e vet tek Bayer Leverkusen për të mundësuar transferimin.
Mediat angleze kanë raportuar se Bayer Leverkusen ka shprehur interesin e vet për 2 prej lojtarëve të Manchester City, Oscar Bobb dhe James McAtee. Drejtuesit e klubit gjermanë besojnë se secili prej lojtarëve mund të zëvëndësojë Florian Wirtz në mënyrë efektive nëse ky i fundit zgjedh të largohet në të ardhmen.
Në të njejtën kohë, Real Madrid dhe Bayern Munich gjithashtu janë në kërkim të Wirtz. Real Madrid mund të përfshijë Brahim Diaz në një marrëveshje, ndërkohë që Bayern gjithashtu ka një lojtar që mund të përfshijë në bisedime, për një shkëmbim të mundshëm. Bëhet fjalë për talentin e ri, Paul Wanner. Arsenal, Liverpool dhe PSG gjithashtu janë linkuar me emrin e Wirtz, por këto klube janë ende larg City apo Real Madrid, në garën për shërbimet e mesfushorit gjerman.
Nëse Wirtz vendos t’i bashkohet Manchester City, trajneri Guardiola do të ketë një dyshe mjaft të rrezikshme përpara sulmit. Foden luan me këmbën e majtë, ndërkohë që Wirtz është djathtosh. Kjo do të thotë se lojtarët mund të eksplorojnë hapësirat e vogla nga të dyja krahët e fushës, duke krijuar me shumë shance në repartin ofensiv për “qytetarët.” Mbetet të shohim nëse gjermani do të zgjedhë Etihad si destinacionin e tij të rradhës.
