Drejtuesit e Arsenal janë duke analizuar mundësinë e afrimit të Benjamin Sesko në Emirates, këtë merkato janari. Vet trajneri Mikel Arteta ka pranuar faktin se ekipi ka nevojë emergjente për të sjellë sulmues të rinj në ekip, pas dëmtimeve afatgjata të Bukayo Saka dhe Gabriel Jesus. Sulmuesi i RB Leipzig, Sesko, është linkuar prej kohësh me një lëvizje drejt Arsenal, por kjo pritej të ndodhte në verë. Megjithatë, nevoja e lartë për përforcime në repartin ofensiv ka bërë që drejtuesit e Arsenal të foksuohen tek arritja e një marrëveshjeje në janar.
Sipas mediave angleze, Arsenal ka 2 opsione në këtë moment, të paguajë rreth 70 milionë paundë për kartonin e Sesko, ose të sigurojë një marrëveshje në formë huazimi, me të drejtë ose obligim blerjeje në fund të sezonit. Trajneri Arteta u shpreh:
“Kemi më shumë nevojë tani për shkak të dëmtimeve që kemi marrë në javët e fundit. Ne kemi një plan, shohim ekipin, mendojmë si do ta evolojmë atë, shohim lojtarët e akademisë dhe çfarë duhet të ndryshojmë. Ose jemi shumë keq në planifikim, ose askush nuk mund ta parashikonte se do të kishim kaq shumë dëmtime. Kemi humbur 2 lojtarë shumë të rëndësishëm në sulm, dhe kemi nevojë për suport aty…”
Agjenti i Benjamin Sesko, Elvis Basanovic, ka pranuar se një transferim në merkaton e janarit ka pak gjasa të ndodhë, nëse nuk vjen një ofertë mjaft e mirë financiare. Kjo dhe për shkak të faktit se Leipzig është ende në garë për të siguruar një vend në UEFA Champions League sezonin e ardhshëm.
Arsenal nga ana tjetër po monitoron dhe Viktor Gyokeres. Suedezi i Sporting Lisbon pritet të kushtojë rreth 100 milionë paundë për këdo që kërkon kartonin e tij. Manchester United është gjithashtu duke monitoruar sulmuesin dhe gara për firmën e tij do të jetë e ashpër.
