Mediat angleze kanë raportuar se Arsenal ka gjetur akordin me Real Sociedad për transferimin e Martin Zubimendi në fund të sezonit. Ylli i klubit spanjoll ka qenë një ndër objektivat kryesorë të trajnerit Mikel Arteta, i cili e ka monitoruar prej 12 muajsh mesfushorin. Pavarësisht nevojës së Arsenal për përforcime në repartin e sulmit, duket se drejtuesit e bordit kanë vendosur të përqëndrojnë përpjekjet e tyre për të siguruar shërbimet e Zubimendi.
Klubi londinez kishte dëshirë që Zubimendi t’i bashkohej që në merkaton e janarit, por Real Sociedad ka këmbëngulur që mesfushori të qëndrojë në Spanjë deri në fund të sezonit. Merkaton e kaluar verore lojtari ishte shumë pranë transferimit tek Liverpool, por ishte ai vet që këmbënguli për të qëndruar tek Real Sociedad. Për momentin, Manchester City gjithashtu është i interesuar për Zubimendi. Pep Guardiola kërkon të gjejë zëvëndësuesin e duhur për Rodri, por tashmë duket se Zubimendi do t’i bashkohet rivalëve të Arsenal.
Tani Arsenal do të përqëndrohet për të sjellë në klub një sulmues, dhe kjo u konfirmua dhe nga trajneri Arteta. Tekniku spanjoll tha:
“Jemi duke kërkuar në mënyrë aktive në treg për mundësi që të përmirësojmë skuadrën. Kemi bërë këtë që në fillim. Jemi duke parë, po përpiqemi. Le të shohim se çfarë mund të bëjmë…”
Ndërkohë, Zubimendi ka komentuar së fundmi vendimin e tij për të qëndruar tek Real Sociedad, në merkaton e verës, kur ishte pranë transferimit tek Liverpool. Spanjolli tha:
“Nuk kisha aspak presion nga rrethi im i ngushtë. Miqtë e mi e dinë se vendimi që marr unë është më i miri. Nuk kam presion për të bërë zgjedhje. Real Sociedad është jeta ime, kam qënë tek ky klub për më shumë se gjysmën e jetës time, është një pjesë e rëndësishme e asaj që jam.”
