Euro 2020: Adidas zbulon fanellat e reja

Gjermania

Uniforma e re e përfaqësueses gjermane duket se është frymëzuar nga fanella e vitit 2010, e cila ishte po ashtu e gjitha në ngjyrë të zezë. Por, ndryshimi kësaj rradhe, është se dhe pjesa e logos së Adidas dhe federates janë po ashtu në ngjyrë të zezë. Të vetmet detaje që bëjnë diferencën, janë shiritat me ngjyrat e flamurit gjerman në pjesën e mëngëve. 

Spanja

Fanella e dytë e Spanjës ka padyshim një dizajn mjaft ekspresiv. Uniforma është parë dhe si një tribut i viteve të kaluara të skuadrës spanjolle. Pullat gri në mënyrë të çrregullt përfaqësojnë stilin dhe kreativitetin e një prej përfaqësueseve me futbollin më të bukur të viteve të fundit.

Suedia

Fanella suedeze padyshim dallon mes të tjerave, kjo dhe për shkak të dizajnit të veçantë me vija vertikale. Kontrasti i fortë mes ngjyrës së thellë blu dhe shiritave të verdhë, përçon imazhin e një skuadre të guximshme. Uniforma e re mund të jetë kështu një ogur i mirë për Suedinë e cila nuk e ka kaluar fazën e grupeve në këtë kompeticion që prej vitit 2004.

Hungaria

Kombëtarja hungareze ka zgjedhur të vijë këtë Europian me një dizajn të thjeshtë. Fanella e tyre ka ngjyrë bazë të bardhën. Të vetmet elementë që dallojnë janë jeshilja dhe e kuqja tek mëngët dhe jaka, të cilat janë ngjyra që përfaqësojnë flamurin hungarez.