Pep Guardiola ka deklaruar se skuadra e tij duhet të procesojë mirë eleminimin nga Real Madrid në Champions League, dhe duhet të kthehet e fortë për të mbrotjur titullin kampion në Premier League.
“Qytetarët” vuajtën një humbje 3-1 në kohën shtesë përballë madrilenëve, të cilët do të luajnë një tjetër finale në kompeticionin prestigjoz, kësaj rradhe përballë Liverpool. Në përfundim të takimit, Guardiola u shpreh:
“Kjo është një situatë e vështirë për ne, nuk mund ta mohoj. Ishim kaq afër finales së Champions League. Tani duhet të procesojmë rezultatin dhe të kthehemi më të fortë në shtëpi pranë fansave tanë, për të luajtur 4 ndeshjet e fundit.”
I pyetur nga BT Sport, Guardiola shtoi:
“Në pjesën e parë nuk ishim tërësisht në kontroll të lojës, por nuk vuajtëm shumë. Pasi shënuam golin ishim në një moment më të mirë. Gjetëm tempon e duhur dhe lojtarët tanë ishin të qetë me topin. Por kjo nuk ndodhi në 10 minutat e fundit ku vuajtëm nga sulmet e tyre (Real). Nuk ishim në formën tonë më të mirë por është normale, bëhet fjalë për një gjysmëfinale dhe lojtarët e ndjejnë presionin. Futbolli është i paparashikueshëm, e tillë është loja. Duhet ta pranojmë.”
Humbja në Champions mund të ketë pasoja dhe në kampionat për anglezët, të cilët ndihen të demotivuar pas dështimit të disatë rradhazi në kompeticionin prestigjoz. Këtë ka thënë dhe ish-mbrojtësi anglez, Jonathan Woodgate. Ai u shpreh për BBC Radio 5 Live:
“Kjo është një humbje shumë stresuese. Çfarë pasojash mund të ketë kjo në kampionat? Ata (City) mund të hedhin dëm avantazhin e tyre.”
Ndërkohë ish-mbrojtësi i Manchester City, Joleon Lescott, është i mendimit se fansat do të luajnë rol të rëndësishëm në ecurinë e klubit gjatë ndeshjeve finale të kampionatit. Sipas tij, tifozeria duhet të bëjë gjithçka për të ngritur lart moralin e ekipit.
