Liverpool po bëhet gati të shpenzojë sërish në këtë merkato vere. Objektivi i rradhës i Jurgen Klopp është mbrojtësi i talentuar i Bayer Leverkusen, Piero Hincapie. Ky i fundit do të jetë një tjetër alternativë për pozicionin e Virgil van Dijk, duke qënë se gjithashtu aktivizohet në qendër të mbrojtjes. Kjo mund t’i ofrojë më shumë alternativa në prapavijë trajnerit Klopp, i cili mund të zhvendosë Van Dijk në krahun e djathtë, për të mbuluar më mirë sprintet e Trent Alexander-Arnold në sulm.
Megjithatë, Bayer Levekusen nuk ka ndërmend të dorëzohet lehtë përballë presionit të anglezëve. Sipas prestigjozes gjermane Bild, gjermanët kërkojnë rreth 70 milionë euro për kartonin e mbrojtësit. Liverpool ndërkohë mësohet se është i gatshëm t’i shpenzojë këto para, por drejtuesit e “The Reds” mbeten skeptikë për vlerën e propozuar nga gjermanët. Vet Transfermarkt e vlerëson kartonin e Hincapie në shifrat e 35 milionë eurove.
Ekuadoriani firmosi një kontratë të re me Bayer në muajin shkurt, sipas të cilës ai pritet të jetë pjesë e skuadrës deri në vitin 2027. Kjo do të thotë se klubi gjerman nuk është në presion për të shitur shërbimet e tij, vetëm në rast se paraqitet një ofertë vërtet e parefuzueshme.
Hincapie ndihmoi Ekuadroin të mbërrinte deri në fazën me eleminim direkt në kupën e botës në Katar, dhe impresionoi akoma më shumë me paraqitjet e tij në Bundesliga, nën drejtimin e trajnerit të talentuar spanjoll Xabi Alonso.
Leverkusen ndërkohë hoqi dorë këtë merkato nga superstari francez Moussa Diaby, i cili iu bashkua anglezëve të Aston Villa për shifrën e 45 milionë eurove. Për këtë arsye, gjermanët duhet të jenë të bindur përpara se të lënë një tjetër lojtar të largohet, duke marrë parasysh dëmin që mund t’i shkaktohet ekipit.
