Londinezët e Chelsea mund sigurojnë kartonin e Marcus Thuram për vetëm 10 milionë euro. Francezi i Borussia Monchengladbach po i afrohet fundit të kontratës së tij me klubin gjerman, e cila skadon në fund të verës. Kjo do të thotë se Borussia duhet të bëjë më të mirën që të përfitojë diçka nga shitja e kartonit të tij, përpara se sulmuesi të largohet me kosto zero në verë.
Sipas raportimeve të CaughtOffside, Thuram është i prirur të qëndrojë në Gjermani, por drejtuesit e Chelsea po mundohen të bindin klubin gjerman që sulmuesi t’i bashkohet bluve këtë merkato. Graham Potter ka nevojë për përforcime në sulm, pavarësisht afrimit të Joao Felix si i huazuar. Ky i fundit debutoi me një karton të kuq në kampionat dhe do të jetë i pezulluar për 1 muaj.
Thuram ka një tjetër stil loje nga portugezi, dhe kjo i jep më shumë felksibilitet Potter në repartin ofensiv. Christian Falk i Bild Sport ka komentuar mbi raportimet e fundit. Gjermani tha:
“Kam dëgjuar se Gladbach është ende duke pritur një ofertë nga Chelsea për Marcus Thuram. Ai nuk është i njejti sulmues si Joao Felix, prandaj u duhet një tjetër. Gladbach preferon të shesë Thuram për 10 milionë euro, sesa ta humbasë atë me kosto zero në verë. Më pas klubi kërkon të ri-investojë paratë tek një sulmues i ri. Gjithsesi, ata janë disi të frikësuar nga Barcelona, që ka rrëmbyer të gjithë agjentët e lirë së fundmi.”
Falk gjithashtu konfirmoi se Thuram është i gatshëm të mirëkuptojë klubin dhe t’i bashkohet Chelsea në rast se oferta e duhur troket në derë. Sulmuesi kërkon të qëndrojë në Gjermani për të fituar garën e golashënuesit më të mirë të sezonit, por mund të heqë dorë nga ky objektiv nëse i ofrohet të luajë në Premier League.
