Armando Broja do të zhvillojë bisedime me trajnerin Enzo Maresca në Londër për të vendosur të ardhmen e tij, ndërsa Everton dhe Wolves janë mes klubeve të interesuara për sulmuesin e Chelsea.
Broja nuk u përfshi në skuadrën që humbi 2-1 ndaj Real Madrid në Bank of America Stadium në Charlotte, megjithëse nuk kishte asnjë dëmtim.
Sulmuesi 22-vjeçar, i cili kaloi gjysmën e dytë të sezonit të kaluar në huazim te Fulham, pritet të largohet këtë verë. Broja, i rritur në akademinë e Chelsea, u përdor rrallë në Shtetet e Bashkuara, ndërsa 18-vjeçari Marc Guiu ishte preferuar si sulmues në mungesë të Nicolas Jackson për shkak të dëmtimit. Edhe Christopher Nkunku është përdorur si sulmues.
Maresca u pyet pas ndeshjes ndaj Real për mungesën e Broja dhe tha:
“Ishte thjesht një vendim. Ai nuk ishte i dëmtuar, fatmirësisht për të dhe për ne. Do të shohim se çfarë do të ndodhë.”
Kujtojmë se blutë e Londrës u mposhtën nga madrilenët në ndeshjen para-sezonale, por rezultatet e këtyre sfidave nuk janë tërësisht të rëndësishme, pasi shërbejnë më shumë si një test i gjendjes fizike, në prag të sezonit të ri.
Për të kaluar te Everton, Dominic Calvert-Lewin ka të ngjarë të duhet të largohet nga Goodison Park. Kjo për shkak të rregullave të fair play-it financiar të vendosura nga Premier League. Everton u dënua sezonin e kaluar me heqje pikësh, dhe drejtuesit e klubit duan të shmangin një përsëritje të kësaj situate.
Broja u aktivizua vetëm për 72 minuta gjatë pesë ndeshjeve miqësore në turneun e Chelsea në SHBA.
Të tjerë që u aktivizuan për më pak minuta dhe mund të shiten ose huazohen para se të mbyllet afati i kësaj merkatoje janë Ben Chilwell, Renato Veiga, Angelo Gabriel por dhe të tjerë.
