Liverpool po monitoron një mundësi të shkëlqyer për të nënshkruar me Federico Chiesa, pas lajmit se trajneri i Juventus, Thiago Motta, e sheh italianin si të tepërt për skuadrën. Chiesa shkëlqeu për Juventus sezonin e kaluar, duke shënuar 10 gola në të gjitha sfidat, duke ndihmuar skuadrën e tij të fitojë Coppa Italia. Gjithsesi, trajneri Max Allegri u shkarkua pak para përfundimit të sezonit, dhe në krye të klubit u vendos Motta.
Ish-mbrojtësi i PSG, tashmë trajner, po bën një sërë ndryshimesh te Juventus dhe ka vendosur të përjashtojë Chiesa nga skuadra. Sulmuesi nuk u përfshi në skuadrën që u përball në miqësoren me Brest. Motta zbuloi pas ndeshjes se Chiesa tani është i lirë të largohet nga Torino. Në vend të italianit, trajneri po fokusohet në dhënien e mundësive lojtarëve të tjerë. Motta u shpreh:
“Chiesa është jashtë për arsye të tregut të transfertave, si ai dhe të tjerët që qëndruan në shtëpi, përveç Mirettit që është i dëmtuar. Ne ishim të qartë me ta. Ata janë lojtarë të mirë, por duhet të kërkojnë zgjidhje ku mund të luajnë më shumë,”
Sqarimi i Mottës për situatën e Chiesa-s mund t’i japë Liverpool mundësinë për të ringjallur një ofertë të mëparshme të dështuara. Në vitin 2021, pas rolit të tij të shkëlqyer në fitoren e Italisë në Euro 2024, “The Reds” bënë një lëvizje për yllin e Juventus.
Drejtuesit e Anfield bënë një ofertë në vlerë rreth £85 milion për sulmuesin. Por oferta u refuzua menjëherë nga gjigantët italianë, të cilët e cilësuan Chiesa-n të pashitshëm pasi ata synonin të ndërtonin ekipin rreth tij. Megjithatë, largimi i Allegri duket se ka shënuar fundin e kohës së Chiesa te gjigantët e Serie A. Trajneri i ri i Liverpool, Arne Slot, ende nuk ka bërë asnjë nënshkrim këtë verë, megjithëse nuk duket se e sheh zonën e sulmit si një dobësi të veçantë. Mbetet të shohim nëse Chiesa do të jetë pjesë e anglezëve këtë sezon.
